​Yn anffodus, yn dilyn cyngor diweddaraf y Swyddfa Dramor, rydym wedi penderfynu gohirio’r daith i farchnadoedd Nadolig Lille ar Rhagfyr 5ed. Byddwn yn cysylltu a’r rhieni perthnasol maes o law gyda manylion pellach am ad-dalu arian a dychwelyd trwydeddau teithio. Yn sgil hyn ni fydd yna gyfarfod rieni ar nos Fercher 25ain o Dachwedd. Diolch i chi am eich amynedd wrth i ni drefnu hyn.
 
Unfortunately, following updated advice from the Foreign and Commonwealth Office, we have now taken the decision to cancel the day trip to the Lille Christmas markets on December 5th. We will contact parents of those who were due to attend the trip as soon as possible with further information regarding the repayment of money and the return of passports. Consequently there will not be a parents meeting on Wednesday 25th November. Thank you for your patience as we make these arrangements.

LANSIO CYNLLUN CÔR BIG BAND YR EISTEDDFOD
 
Os yw cerddoriaeth ‘big band’ yn mynd â’ch bryd, dyma’ch cyfle i ymuno gyda chôr cymunedol newydd i gymryd rhan yn un o gyngherddau’r Eisteddfod Genedlaethol yn Sir Fynwy y flwyddyn nesaf, gyda Big Band Rhys Taylor.
 
Bydd y cyfan yn cychwyn nos Lun 9 Tachwedd yn Eglwys y Santes Fair, Y Fenni am 19.30, ac mae croeso mawr i unrhyw un sy’n mwynhau canu a pherfformio i ddod atom i glywed mwy am y prosiect ac i roi tro ar rai o’r gweithiau a fydd yn cael eu perfformio yn ystod yr Eisteddfod.  Does dim rhaid cael unrhyw brofiad o fod mewn côr neu o ganu’n gyhoeddus – mae’r côr hwn yn agored i bawb!
 
Cyfarwyddwr Cerddorol y prosiect fydd Jeff Howard, sy’n adnabyddus fel arweinydd, cerddor a threfnydd cerddorol, ac fe fydd Jeff yn cydweithio’n agos gyda Rhys Taylor ar y gerddoriaeth ac wrth baratoi’r côr ar gyfer cyngerdd a fydd yn sicr o fod yn un o uchafbwyntiau’r Eisteddfod a gynhelir ar Ddôl y Castell, Y Fenni o 29 Gorffennaf – 6 Awst y flwyddyn nesaf.
 
Meddai Trefnydd yr Eisteddfod, Elen Elis, “Os ydych chi’n mwynhau canu ac yn byw yn ardal y de ddwyrain, beth am ddod atom i fwynhau ac i gymryd rhan mewn prosiect a fydd yn sicr o fod yn llawer iawn o hwyl dros y gaeaf? 
 
“Mae cerddoriaeth ‘big band’ yn sicr o godi calon unrhyw un a chewch chi neb gwell na Big Band Rhys Taylor.  Y bwriad yw creu côr a chyngerdd gwahanol i’r arfer gyda llwyfan sy’n llawn o gerddorion a chantorion sy’n cael amser wrth eu boddau.
 
“Bydd cyfle i roi tro ar ambell gân ar y noson gyntaf, gan gynnwys Moon River, Sosban Fach ac I’ve Got Rhythm – caneuon hwyliog sy’n sicr o roi gwên ar eich wyneb chi a phawb fydd yn gwrando.  Felly dewch atom am lond lle o hwyl a chanu – bydd croeso mawr i bawb.”
 
Cysylltwch â swyddfa’r Eisteddfod am ragor o wybodaeth drwy ffonio 0845 4090 400, neu drwy ebostio corawl@eisteddfod.org.uk.  Bydd rhagor o wybodaeth ar gael ar-lein, www.eisteddfod.cymru, facebook, www.facebook.com/eisteddfod a Trydar @eisteddfod ac @eisteddfod_eng.
 
Mae’r cynllun corawl yn un o brosiectau cymunedol mwyaf yr Eisteddfod, ac yn denu hyd at 200 o bobl leol i fod yn rhan o’r côr.  Cynhelir yr ymarferion yn ddwyieithog, ac mae croeso mawr i unrhyw un dros 16 oed.
 
Am ragor o wybodaeth am Eisteddfod Genedlaethol Sir Fynwy a’r Cyffiniau, ewch ar-lein.